Haubi Mieti - Berner Mundart Band

NAME LENGTH EVENT

Demo

Unger de Loubä

Demo

Tagtröimer

Demo

Bärner Bär

DEBÜAUBUM

DS HUUS LÄBT

100 mau mitem gring dür di wand, paar spriisse im fuess
u di fiicher di kenne i au, u si mi o
1000 mau hets di sicherig putzt, paar löcher wos zieht
los e mau es chlopft a der tür, wer ischs ech wär? Wer ischs ech, oh?

||: mir hei gfiiret u gliiret es wunder ds du ds aus hesch verhäbt.
mir hei bolet u giolet u dsch nid nur d'wohnig dsch z'huus wo läbt. :||

||: hei lug ds huus läbt, hei lug ds huus läbt!
es biischtet u stöhnt, es lachet u grännt, es knarcket u tuet. :||
Hei lug das huus läbt.

nümm ganz aui tasse im schrank, abr hei schärbi bringe glück.
d'leitige roschtig, und d'spüehli so lut.
u de obe dranne de rumplet wider ume, u der sandstei bröklet ab.
abr au denä wo blöd wei cho meine, sägi ds isch mis deheimä, ja ds isch mis deheimä!

||: mir hei gfiiret u gliiret es wunder ds du ds aus hesch verhäbt.
mir hei bolet u giolet u dsch nid nur d'wohnig dsch z'huus wo läbt. :||

||: hei lug ds huus läbt, hei lug ds huus läbt!
es biischtet u stöhnt, es lachet u grännt, es knarcket u tuet. :||
oh.
IMMER WIDER KÜSST

Lug du hesch tröim und i ha tröim und i finges schön, blibe mir üs beidi tröi
Es wird nid eifach u ds heimer scho geng gwüsst, abr gliich, aber gliich, aber gliich, hei mir üs immer wider küsst
Wöu näb zich verdammte fründe u neb zich verdammte hobbies
Hani d’sicht o scho verlore u gseit schiss doch uf di hobbies
U gseh mir üs nümm ir realität,
schhmöcki a dim haustuech, ga iz bett, u wer weiss? Villech ischs no niz’spät

wöu villech tröimi ja vo dir, de bisch du bi mir u mir hei aui zyt vor wäut.
U nächär chöimer eifach si. So wi mer si ohni druck und ohni gränze. Zäme i tag ineschwänze

Lug du bisch dört und i bi da, mängi finges gstört, doch es wird scho ga.
Es isch nid eifach doch i wetts genau eso. Abr glich, abr gliich, abr gliich e chli meh zyt hätti scho gno.
Wöu näb au de sache, u neb au denä pfliche, chumi aube nümm nache, u nur du chasch mi schlichte.
U we mir üs haut gd nid chöi gseh
Schmöcki a dim haustuech ga iz bett und ga uf d’suechi ir töife see

wöu villech tröimi ja vo dir, de bisch du bi mir u mir hei aui zyt vor wäut.
U nächär chöimer eifach si. So wi mer si ohni druck und ohni gränze. Zäme i tag ineschwänze
Nur du und ig, so wi mer si...

wöu villech tröimi ja vo dir, de bisch du bi mir u mir hei aui zyt vor wäut.
U när chöimer eifach si. So wi mer si ohni druck und ohni gränze.

wöu villech tröimsch du ja vo mir, de bi ig bi dir u mir hei aui zyt vor wäut.
TAGTRÖIMER

ig bi e tagtröimer, i tröime düre tag, verstah ke enzigi frag.
i bi e tagtröimer, bi mitem chopf irgendwo i de wouche und flüge drvo
i bi e tagtröimer, u au die wo säge chumm nimm di mau zäme... di chöimer

hüt, hüt fahri dervo irgendwo häre mit mim cabrio. wo nid der umwäut schadet sondern ihre hiuft und ja si lachet so wi du mini sunneblueme, i giesse dir wasser u üsi liebi wachset so vorsichtig vor sich hi ja gäu du weisch du bisch mir so wichtig u richtig bündig brichti usem radio ds lied hie louft scho i jeder station u d'penner tanze mit de bänker so wi d'schäfli mit de hänker und i hänke ab... i bi unerreichbar, und i ha dänkt du weisch das, i ha dänkt du weisch:

ig bi e tagtröimer, i tröime düre tag, verstah ke enzigi frag.
i bi e tagtröimer, bi mitem chopf irgendwo i de wouche und flüge drvo
i bi e tagtröimer, u au die wo säge chumm nimm di mau zäme... di chöimer

hüt, hüt flügi dervo, ha der flugmodus dinne töif i mir inne und iz dueni mi bsinne a au di wünsch und au di tröim u morn no gd wider vo nöim, verdiene milliarde mit der musig verschwändese grusig oder spände gd tuusig millione a die wos nötig hei, di arme sieche wo nur 1 bötli hei, schribe es lied vom chrieg u plötzlech aui zueh u redä mitenang und hass wird zu liebi plötzlech chöme si druus und hei nümme de drang...

aber mängisch, hout mi d'realität wider ih, u ner merki, es isch niso eifach wis sött si,
ach hätti, doch nur e chance öppis z'verändere...

aber tagtröime isch äue aues woni cha

ig bi e tagtröimer, i tröime düre tag, verstah ke enzigi frag.
i bi e tagtröimer, bi mitem chopf irgendwo i de wouche und flüge drvo
i bi e tagtröimer, u au die wo säge chumm nimm di mau zäme...
UNGER DE LOUBE

Sandstei zu sandstei u nes instabiles standbei erinnere mi a de moment
Was seisch, was meinsch? Wohere geisch? Weisch, verstah di ni i bi so färn
Bi irgendwo am flüge, und ha gmerkt cha mi nümm belüge, wöu i ha di so gern
Ha z’schiff nümm chönne stüre, angscht gha aus z’verlüre, denn du und ig unger de loube vo bärn

Unger de loube isch es gscheh unger de loube meh denn je, unger de loube chasch mirs gloube, unger de loube isch es gscheh
Unger de loube isch es gscheh unger de loube meh denn je, unger de loube i chas chum gloube wasi i dine ouge denn scho aus ha…

Gseh kunstwärch um kunstwärch wo ir autstadt funkle aber weisch du, du bisch z’schönschte vo aune
Si betrunke am schmuntzle, es springe di funke und ig so uhh ds chönnt mer gfaue
U ner rede mer vom läbe, vo üsne tröim bevor mer stärbe. Wo isch mi schnuuf? Du duesch ne chlaue
U ner weisi ni was säge, u lächle nur verläge, u löh üse kuss unger de loube la haue

Unger de loube isch es gscheh unger de loube meh denn je, unger de loube chasch mirs gloube, unger de loube isch es gscheh
Unger de loube isch es gscheh unger de loube meh denn je, unger de loube i chas chum gloube wasi i dine ouge denn scho aus ha gseh!

||: Unger de loube isch es gscheh, unger de loube chasch mirs gloube :||
5 MIN EI

5min ein, i 5min. ey! Chum mau usem Bett, du 5min ei.
Chum mir schmeisse z’handy wäg, ich doch eh nur es handicap
Was isch tot aber ständig läbt? Was isch tot aber ständig...
Z’läbe isch e kunscht u mir si aui künschtler, lueg der mau dis biud ah u sägmer was dünkt di?
Mach doch mau chli farb dri, mach doch mau chli farb dri, gibe dr e pinsu, mach doch mau chli farb dri!
Bis doch ke löffu, wäg mit dem löffu. Z’läbe isch sweet gnue, du bruchsch ds dessert ni, nei.

||: Nenenei, nei, du bruchsch ds doch ni. hei chum use mit mir!
weisch du bruchsch ds doch ni! :||

Lug mau d’sunne schiint mir müesse use iz unbedingt. Wöu sunne git läbe, u mir bruuche ds läbe.
Sägmer wi füeuht sechs ah, wider uf de füess ga z’stah? Old school adidas, so cool wi Run-D, fuscht id luft: viva la...!
Zwöi schritt gäg füre, ei blick gäg hingere, mir hei au e vergangeheit, ds söu üs nid dran hindere. Mir läbe im iz o wed vergangeheit üs formt, u di trurige farbe vo geschter gäbe z’schönschte biud im morn.
Bis doch ke löu du weisch, z’läbe isch sweet gnue. Du bruuchsch de zucker nid, nei.

||: Nenenei, nei, du bruchsch ds doch ni. hei chum use mit mir! weisch du bruchsch ds doch ni! :||
Nenenei, nei, du bruchsch ds doch ni. ||: hei chum use mit mir! :||
Nenenei, nei, du bruchsch ds doch ni. hei chum use mit mir! hei chum use!

||: Wi chani z’spät si? Me cha doch nie z’spät si?
Wi söusch du z’spät si? Me cha doch nie z’spät si? :||

||: U du seisch du bisch z’spät du meinsch, wöud mit au denä schmärze geisch.
Doch me isch nie z’spät versteisch, weme sich ds a ds härze leit. :||

||: Nenenei... nei, du bruchsch ds doch ni. hei chum use mit mir!
Nenenei, nei, du bruchsch ds doch ni. hei chum use mit mir! hei chum use mit mir! :||

HÄBE DI FESCHT

u es zitli sägi mer iz scho, hei was machsch no i dem bärn?
wes nümme z'gwinne git, was hani de no hie verlore?
i sägemer pack dini 7 sache, u chum i 7 jahr wider zrügg
doch nach 7 jahr hani no nid e mau 1 packt.
iz isches de so wit, wenis schaffe gahni gliich no.
ha der masterplan scho gschribe, aber nume mit bleistift,
u chiem e gummi woni gärn ha, u mi zu dir zrüggbringt, de sägi umbedingt!

aber iz muessi wäg vo hie, los i muess wäg vo hie, haute nümme us i muess mi verzieh
lug i muess wäg vo hie, jetzt wük wäg vo hie, aber irgendwie häbi di no...

i häbe di fescht, i cha di nid la gah, wett di für immer bi mir ha
i häbe di fescht, wott fr immer bi dir bliibe, mini tegschte fr di schriibe

di stadt isch so ermüedend u gliich bini schlaflos
es duet weh deheime z'si drum wärs villech besser i hätt heimweh
so viu woni no wett mache doch i füehle mi so machtlos
villech schaffis ja dert äne u ner füehli mi erföut
au di städt wo mi fläshe stattdessä blibi hie
hami wöue verzieh u bi mit fründe eis go zieh und die hei gmeint,
hei! wed ouge öffnisch ligt ja gliich aus vor dire nase, chumm hei, und ig bi...

muessi wück wäg vo hie, iz wück gd wäg vo hie? nei i gloubes nid i blib no chli hie,
mues nid wäg vo hie, i gah nie wäg vo hie, wöu irgendwie häbi di no...

i häbe di fescht, i cha di nid la gah, wett di für immer bi mir ha
i häbe di fescht, wott fr immer bi dir bliibe, mini tegschte fr di schriibe

||: i häb di fescht, i lah di nieme los mis chliine bärn :||
wöu irgendwie, irgendwie häbi di no fescht

i häbe di fescht, i cha di nid la gah, wett di für immer bi mir ha (cha di nid lah gah)
i häbe di fescht, wott fr immer bi dir bliibe, mini tegschte fr di schriibe
i häbe di fescht, i la di nid la gah, wett di für immer bi mir ha (cha di nid lah gah)
i häbe di fescht, wott fr immer bi dir bliibeeeeeeee, i häbe di fescht!
BÄRNER BÄR

si wohnt im 5te stock ohni lift, mängs het ufe müesse mängs abe.
u si isch nid di sterchsti doch si hiuft gliich geng bim trage.
si wohnt im 5te stock ohni lift, mängs het ufe müesse mängs abe.
u egau wi schwär das es isch si seit sech, ig wirde ds scho schaffe!
und iz luegt si ds gepäck a, ds nid möge, ds wär ja glacht.
und si macht sech uf id schlacht.

aber ds isch schwär, so verdammt schwär!
schwerer chunnt chum öppis angers derhär.
ja ds isch schwär, so verdammt schwär!
doch i gibe nid uf... nei nei
Bi e bärner bär! Bi e bärner bär!

si wohnt im 5te stock ohni lift, viu chüche bim ufegah
doch fr si isch ufegah, so aasträngend wi umestah
si wohnt im 5te stock ohni lift, viu chüche bim ufegah
doch chücht si scho bim umestah, ja de schissts se huere ah
und iz luegt si ds gepäck a, ds nid möge, ds wär ja glacht.
und si macht sech uf id schlacht.

aber ds isch schwär, so verdammt schwär!
schwerer chunnt chum öppis angers derhär.
ja ds isch schwär, so verdammt schwär!
doch i gibe nid uf... nei, nei
Bi e bärner bär! Bi e bärner bär!

los dsch niso mis mit dem gloube, doch es wär schön chönnt öpper au ds liide wägzoubre. gimer dini hang und lami fr di la bätte. doch er bättet ohni wort nur ganz elei mit ere träne.

aber ds isch schwär, so verdammt schwär!
schwerer chunnt chum öppis angers derhär.
ja ds isch schwär, so verdammt schwär!
doch i gibe nid uf... nei, nei
bi e bärner bär! e bärner, e bärner bär!
bi e bärner bär!
NUR DU UND IG

U aus isch glasklar, u au de lärm isch ize wäg, u di lääri no derzue gniesse d’nacht zäme ir rueh u luege d’stärne ah. Villech isch ja gliich öppis dert obe? aber egau wi schön das es isch gloub mer i wär gliich no ni gschobe, wöou der schönscht stärn vo aune häbi scho lang i mine arme, ämu für mi, hoffe es blibt so, bitte gott häb erbarme u di warme küss, harmoniere mit em pfiiffende wind und em nächtleche chind.

nur du und ig, di nakti nacht und d'stärne. aues stimmt gad i dem moment weisch hätts ni dänkt doch hie stömer
nume du und ig, di nakti nacht und d'stärne. aues stimmt gad i dem moment weisch hätts ni dänkt doch hie stömer. lug hie stömer

u aus isch glasklar, es git ke wouche wit u breit u drum weiss me haut o nid was gad so i ihne steit, aber 1 isch klar. ds hie isch nid nur irgendöppis, nei, ds hie isch irgendöppis meh. oh yeah. u der mond het sis lächle montiert, u di gschide, ja, di hei viu z'lang gstudiert u drum schwänze mir. oh mir gö eifach druflos, z'guete buchgfüeuh wanderet langsam i schoss.

nur du und ig, di nakti nacht und d'stärne. aues stimmt gad i dem moment weisch hätts ni dänkt doch hie stömer
nume du und ig, di nakti nacht und d'stärne. aues stimmt gad i dem moment weisch hätts ni dänkt doch hie stömer.

nume du und ig, di nakti nacht und d'stärne. aues stimmt gad i dem moment weisch hätts ni dänkt doch hie stömer
nume du und ig, oh di nakti nacht und d'stärne. aues stimmt gad i dem moment weisch hätts ni dänkt doch hie, hie stömer.
Hie stömer nume du und ig nume du und ig
Nume du und ig, nume du und ig
AUES GHEIT ZÄME

verlüüre z'gliichgwicht um mi aus keit zäme. es isch nümm gliich wis isch gsi.
verlüüre z'gliichgwicht um mi aus keit zäme. und i sueche vergäbe,
i sueche vergäbe wo oh oh, daran da ra da da, da ra da da.
i sueche vergäbe, wo oh oh, daran da ra pa pa, da ra da da.

i schanke so vor mi här, und aus erschiint mer dopplet so schwär, säg mer vo wo chunnsch du här? und wi wirde di wider los?
i schleipfe di scho viu z'lang mit mir ume, und du verdecksch mer d'sicht zur sunne, und und zersch ischs nur es chliises summe, aber ner wirds e heftigi summe!

verlüüre z'gliichgwicht um mi aus keit zäme. es isch nümm gliich wis isch gsi.
verlüüre z'gliichgwicht um mi aus keit zäme. und i sueche vergäbe,
i sueche vergäbe wo oh oh
i sueche vergäbe wo oh oh

i hautes nümme us und gopf i chume nümme drus, i ha es gnusch i mim chopf, u ni mau me du chönntsch ds löse!
u jedä morge giz e chlapf und jedä mittag e pfuuscht uf d'backe und jedä morge giz kuss, doch de isch me bitter aus süess, meh bitter aus süess!

verlüüre z'gliichgwicht um mi aus keit zäme. es isch nümm gliich wis isch gsi.
verlüüre z'gliichgwicht um mi aus keit zäme. und i sueche vergäbe,
i sueche vergäbe wo oh oh
i sueche vergäbe oh oh oh

aues keit zäme
WART

Wart, wart, wart doch no chli. Wart doch no chli aus geit viu z’schnäu verbi.
Zersch ischs ner isch gsi, i weiss so muess’s si, aber wart doch no chli aus geit viu z’schnäu verbi.

La, la, ds gfüueu no nid los, dr moment isch am änd doch d’erinnerig gross. Wi flicke i bloss, ds sinkende floss? Dr sang geit dür d’hang doch i la di nid los.

Wart, wart, wart doch no chli. Wart doch no chli aus geit viu z’schnäu verbi.
Zersch ischs ner isch gsi, i weiss so muess’s si, aber wart doch no chli aus geit viu z’schnäu verbi.
La, la, ds gfüueu no nid los, dr moment isch am änd doch d’erinnerig gross. Wi flicke i bloss, ds sinkende floss? Dr sang geit dür d’hang doch i la di nid los.

Musikvideo

Uf Instagram

DEMO

Bärner Bär

Unger de Loubä

Tagtröimer

Band